OAV: Tramp kortejidagi mashina Davosda politsiyachini urib ketdi 

AQSh prezidenti Donald Trampning kortejidagi avtomobillardan biri Davosda politsiyachini urib ketdi. Bu haqda Blick nashri xabar tarqatdi.

Ta'kidlanishicha, politsiyachi Tramp kortejidagi mashinani to‘xtatmoqchi bo‘lgan, biroq haydovchi gaz tepkisini bosgan.

Hodisa Intercontinental mehmonxonasi oldida yuz bergani aytiladi. Yo‘lning qatnov qismida navbatchilik olib borayotgan politsiyachi kortej oldida ketayotgan oq BMW’ni to‘xtatishga uringan, biroq haydovchi politsiyachini chetlab o‘tishga urinib, uni urib ketgan. Keyinchalik bir nechta qora yo‘ltanlamaslar harakatlangan, ulardan birida AQSh prezidenti bo‘lgan, deya ta'kidlaydi nashr.

Politsiya xodimi chetga chiqishga ulgurgan, shuning uchun jiddiy jarohatlar olmadi.

Nashrning ta'kidlashicha, ehtimol, politsiyachi mashina Tramp kortejiga hamrohlik qilganini bilmagan bo‘lishi mumkin.