Yunusobod tumanidagi YTHda haydovchilar jarohatlandi

18 oktabr kuni Toshkent shahrining Yunusobod tumanida yo‘l-transport hodisasi sodir bo‘ldi. Bu haqda poytaxt Yo‘l harakati xavfsizligi boshqarmasi xabar berdi.

Xabarda aytilishicha, soat 20:30 da Yunusobod tumanining Istiqlol-Zarafshon ko‘chalari chorrahasida, Matiz va Dongfeng rusumli avtomashinalar to‘qnashuvi oqibatida YTH sodir bo‘lgan.

YTH natijasida jarohatlangan haydovchilarga shifokorlar tomonidan birinchi tez tibbiy yordam ko‘rsatilgan.

Mazkur holat yuzasidan Toshkent shahar IIBB YHXB tomonidan surishtiruv ishlari olib borilmoqda.

Avvalroq Shahrisabz ko‘chasida avtobus Cobalt'ga, Cobalt esa oldida harakatlanib ketayotgan BYD rusumli avtomobilga urilgani xabar qilingandi.