АҚШнинг Индиана штатида ҳуқуқ-тартибот органлари ходимлари гиёҳванд моддалар савдоси билан шуғулланувчи қизни қўлга олишди.
Fox59 хабарига кўра, Жонсон округида истиқомат қилувчи 19 ёшли Шелби Эйкс телефон рақамини адаштириб, полиция ходимига гиёҳванд модда сотиб олиш таклиф қилинган хабарни юборган.
Шундан сўнг, уни қўлга олиш учун яширинча амалиёт бошланган. Детективлар Эйкс билан боғланишган ва ундан 15 грамм миқдорида тақиқланган моддани (метамфетамин) 575 доллар эвазига сотиб олишган.
Иккинчи учрашувда Эйкс 135 доллар эвазига 17та таблетка сотишга уринган. У қўлга олинган ва эндиликда унга 30 йиллик қамоқ жазоси таҳдид қилмоқда.
