"Формула-1" пойгаси битта Гран-придан маҳрум бўлди

Халқаро автомобиль федерацияси (FIA) "Формула-1" пойгасининг 2017 йилги мусобақа жадвалини чоп этди. Кейинги мавсумда 2016 йилдагидан фарқли равишда, биттага камроқ пойга, яъни 20 та босқич бўлади. 2017 йилда Германия Гран-приси ўтказилмайди.

Мавсум 26 март куни Австралиядаги Гран-придан бошланади. Пойганинг охирги босқичи эса 26 ноябрда Абу-Дабида бўлиб ўтади. Ёзги танаффус деярли бир ой давом этади ва Венгрия Гран-присидан кейин бошланади. Мавсум август охирида Бельгиядаги босқич билан давом эттирилади.

Қуйида пойганинг кейинги мавсум учун мусобақа жадвали келтирилган:

Австралия Гран-приси           26 март
Хитой Гран-приси                  9 апрель
Баҳрайн Гран-приси               16 апрель
Россия Гран-приси                 30 апрель
Испания Гран-приси              14 май
Монако Гран-приси               28 май
Канада Гран-приси                11 июнь
Озарбайжон Гран-приси       25 июнь
Австрия Гран-приси              9 июля
Буюк Британия Гран-приси  16 июль
Венгрия Гран-приси              30 июля
Бельгия Гран-приси               27 августа
Италия Гран-приси                3 сентября
Сингапур Гран-приси            17 сентября
Малайзия Гран-приси            1 октябрь
Япония Гран-приси                8 октябрь
АҚШ Гран-приси                     22 октябрь
Мексика Гран-приси              29 октябрь
Бразилия Гран-приси             12 ноябрь
Абу-Даби Гран-приси            26 ноябрь

Жорий мавсумда ғолиб Нико Росберг бўлди. У бундай юксак муваффақиятга фаолиятида биринчи маротаба эришди. Немис 9 та пойгада ғолиб бўлди. 2-ўринни эгаллаган Льюис Хэмилтон гарчи 10 та пойгани ютган бўлса-да, умумий ҳисобда жамоадошидан ортда қолди.