Ғарбий Хитой тоғларида ШҲТ тоғ мерганларининг машғулотлари бўлиб ўтди

Шанхай ҳамкорлик ташкилотининг тоғ-ўқчи бўлинмалари Хитойнинг Синьцзян-Уйғур мухтор туманидаги Корла шаҳри базасида ўқув машғулотлари ўтказмоқда. Бу ерда, шартли жиноий гуруҳлар қароргоҳлари нишонга олинмоқда. Россия Марказий ҳарбий округи расмий вакили Ярослав Рошупкин шу ҳақда маълум қилган.

"ШҲТ мамлакатлари қуролли кучлари тоғ-ўқчи бўлинмалари шартли жиноий гуруҳларнинг ўточар нуқталарини йўқ қилди. Миномёт бўлинмалари нишонларга зарба берган, ҳарбийлар эса даралар, қоялар ортида яширинган “жиноятчи”ларни бартараф этган. Жанговар пикаплардаги “жангари”ларга танкларга қарши бошқарилувчи ракеталар ёрдамида зарба берилган. Махсус кучлар, тоғ снайперлари ва снайперлик жуфтликлари ортга чекинаётган “террорчилар”ни йўқ қилишди", — деган Рощупкин.

4 декабргача давом этувчи манёврларда Қозоғистон, Қирғизистон, Хитой ва Россия ҳарбийлари қатнашмоқда.