«Яндекс» медиа учун платформани ишга туширди

«Яндекс» интернет-компанияси мустақил муаллифлар, брендлар ва блогерларга мўлжалланган контент яратиш платформасини тақдим этди. Бу ҳақида «Яндекс.Дзен» сервиси медиадиректори Даниил Трабун Yet Another Conference'да маълум қилди.

Янги платформа «Дзен» персонал тавсиялар сервисининг бир қисми ҳисобланади. У сизда қизиқиш уйғотиши мумкин бўлган хабарлар, постлар ва бошқа мақолалардан иборат янгиликлар туркумини тузади. Мақолалар ўқилган саҳифалар тарихи ва фойдаланувчи томонидан кўрсатилган мавзулардан келиб чиқиб танланади. Энди сервис контент яратиш имконини ҳам беради. Мустақил муаллифлар реклама эълонларига уланиб, ўз материалларида пул ишлаб олишлари мумкин. Бундан ташқари, «Яндекс» ҳомийлик дастури ҳақида эълон қилди: компания энг яхши муаллифларга шу йил учун 1 миллион долларгача пул тўлайди. 

Шу билан бирга «Яндекс» мобил реклама учун янги «Нарратив» форматини ишга туширди. У бренд ва муаллифларга қисқа мультимедия материалларини яратишга ёрдам беради.