Қирғизистон Сурияга ҳарбийларни юбориш бўйича расмий таклиф олмаган

Қирғизистон ҳукумати Сурия ҳудудига ҳарбий хизматчиларини юбориш бўйича ҳозирча ҳеч қандай таклиф олмаган. Бу ҳақда ТАСС республика хавфсизлик Кенгаши котиби Темир Жумақодировга асосан хабар берди.

"Расмий таклифлар келиб тушмади", - деди у. Жумақодировнинг сўзларига кўра, ушбу масала аввал “Коллектив хавфсизлик битими ташкилоти майдончасида кўтарилган”. “Гап ташкилотнинг тинчликпарвар контингенти ҳақида борган, у Суриядаги жанговар ҳаракатлардан холи ҳудудларга юборилиши мумкин эди”, - дея таъкидлаб ўтди у.

Аввалроқ Туркия президенти вакили Иброҳим Қалин Россия Суриядаги ҳарбий ҳаракатлардан холи нуқталарга Қирғизистон ва Қозоғистондан ҳарбийларни жўнатиш таклифини илгари сургани ҳақида гапиргани маълум қилинганди.