Атамбоев: сиёсат билан шуғулланишга мажбур бўлганман

Қирғизистон президенти Алмазбек Атамбоевнинг маълум қилишича, ўз ваколатлари муддати якунига етганидан сўнг давлат лавозимларини эгаллаш бўйича режалари йўқ. Бу ҳақда «Интерфакс» хабар бермоқда.

«Мен ҳеч қандай лавозимни истамасдим, мен озодликни хуш кўрувчи инсонман, сиёсат билан шуғулланишга эса мажбур бўлганман», - деди у.

Атамбоевнинг сўзларига кўра, бизнес билан муваффақиятли шуғулланган. Қайд этилишича, бу ҳолат президент Асқар Акаевнинг оиласи уни тортиб олгунга қадар рўй берган, сўнг Атамбоев «бизнесини арзимаган пулга сотиб юбориш ва маблағларни сиёсатга йўналтиришга мажбур бўлган». Унинг таъкидлашича, «бизнес учун жаннат яратишни истайди, бунда тадбиркорлар ўз бизнесини ҳимоя қилиб парламентга бориб юришлари керак бўлмайди».

Аввалроқ Атамбоев Қирғизистонни бизнес учун «энг яхши жой» деб атаганди