«Туронбанк» АТБнинг халқаро рейтинги бир поғонага кўтарилди

«Standard & Poor's Global Ratings» халқаро рейтинг агентлиги «Туронбанк» АТБ кредит рейтинг баҳосини «В/B» даражасига кўтариб, барча рейтинглар истиқболини «Барқарор» дея эътироф этди.

Шу ўринда, Агентлик томонидан банкка тақдим этилган банк рейтинг кўрсаткичи, 2012 йилда «В-/С» даражасида бўлган бўлса, 2017 йилга келиб ушбу кўрсаткич «В-/B» даражасига ва 2018 йилга келиб эса «В/B» даражасига кўтарилди.

«Туронбанк» АТБнинг халқаро кредит рейтинг кўрсаткичи яхшиланишида банкнинг капиталлашув даражаси давлат муассасалари томонидан сезиларли равишда қўллаб-қувватланиши муҳим омил бўлди.

Бу эса ўз навбатида, банкнинг кредитлаш ҳажмини ошириш, шу жумладан, ижтимоий-иқтисодий аҳамиятга эга бўлган лойиҳаларни молиялаштириш учун айни муддао бўлди.

Маълумот учун, мамлакатимиз мустақиллиги билан тенгдош «Туронбанк» АТБ бугунги кунда 19 филиали ва 30 та мини-банки орқали юридик ва жисмоний шахсларга кенг кўламли хизматлар кўрсатмоқда.

Реклама ҳуқуқи асосида