Фото: Ўзбекистон ҳаво йўллари
Жорий йилнинг 20 май куни «Ўзбекистон ҳаво йўллари» миллий авиакомпанияси янги Boeing-787 Dreamliner'да Тошкент-Москва-Тошкент йўналиши бўйича биринчи парвозни амалга оширди.
«Орзу лайнери»да Тошкентдан 244 нафар йўловчи парвоз қилиб, қайтишда 259 нафар йўловчи учиб келди.
Таъкидлаш жоизки, «Ўзбекистон ҳаво йўллари» МАК 2016-йил сентябрь ойидан Boeing-787 Dreamliner самолётининг тижорий эксплуатасиясини бошлаган. Бугунги кунда ушбу русумдаги иккита лайнерда Дубай, Истанбул, Тел-Авив, Сеул, Франкфурт, Москва, Куала-Лумпур, Сингапур ва Нью-Йоркка қатновлар амалга оширилмоқда.
Яқин кунларда «Ўзбекистон ҳаво йўллари» миллий авиакомпаниясининг учинчи Dreamliner'и ҳам узоқ масофаларга трансатлантик қатновларни бажариши режалаштирилмоқда.
