Франция бош вазири Исроилга ташрифини бекор қилди

Франция бош вазири Эдуар Филипп Исроилга май ойи охири – июнь ойи бошларига режалаштирилган ташрифини бекор этиш ҳақида қарор қабул қилди. Бу ҳақда Le Figaro ёзмоқда.

Ҳукуматдаги манбаларнинг сўзларига кўра, мамлакат бош вазирининг режалари ўзгариши «ички кун тартиби» билан боғлиқ. Канцеляриядагилар қарор АҚШ элчихонасининг Ал-Қудсга кўчирилиши билан боғлиқ бўлиши мумкин эканини тасдиқлашмаган.

Нашр маълумотларига кўра, ташриф яқин вақт ичида бўлмайди, бироқ у барибир амалга ошади.

Эслатиб ўтамиз, аввалроқ Исроил фаластинликларга Рамазонда Ал-Қудсга киришни тақиқлаганди.