Фото: KUN.UZ
«Ўзбекистон ҳаво йўллари» Миллий авиакомпанияси 2018 йилнинг 1 июнидан Тошкент - Қозон - Тошкент йўналишида иқтисодий класс тарифларини пасайтиради, деб хабар бермоқда МАК ахборот хизмати.
Парвозлар ҳафтасига икки марта сешанба ва пайшанба кунлари Airbus 320 замонавий ҳаво лайнерларида амалга оширилиши айтилган.
Шу билан бирга, МАК тарифлар қанчага пасайганини маълум қилмаган. Бироқ, компания сайтидаги маълумотга кўра, бир томонга чипта июнь ойи бошида 1,6 млн сўмдан бошланади.
Эслатиб ўтамиз, аввалроқ Nordwind Airlines авиакомпанияси 1 июндан «Тошкент-Қозон» рейсини очаётгани хабар қилинганди.
