Nordwind Airlines O‘zbekistonga parvozlarni iyundan boshlaydi

Nordwind Airlines aviakompaniyasi 1 iyundan «Toshkent-Qozon» reysini ochmoqda. Bu haqda Qozon xalqaro aeroportining veb-saytida xabar berildi.

Muntazam reyslar 220 o‘rinli Airbus A321 mahalliy laynerlarida amalga oshiriladi.

Samolyot Qozondan juma kunlari kechqurun (18:05) parvoz qiladi va Toshkentga o‘sha kuni yetib keladi (23:15).

Ortga reys kelasi kuni soat 01:40da, Qozonga qo‘nish vaqti - 03:05da. Aeroportlarning mahalliy vaqti ko‘rsatilgan.

Chiptalar allaqachon sotuvga chiqqan va narxi bir tomonga 10,6 ming rubldan boshlanadi (1,3 million so‘m).

Eslatib o‘tamiz, avvalroq «Uralskiye avialinii» Rostov-Dondan Toshkentga parvoz qila boshlashi xabar qilingandi.