Кремль Путин ва Трамп учрашуви эҳтимолига изоҳ берди

Фото: AP/ Jorge Silva, pool

Россия президенти матбуот котиби Дмитрий Песковнинг маълум қилишича, Кремлда ҳозирча Россия ва АҚШ президентлари Владимир Путин ҳамда Дональд Трамп учрашуви бўйича расмий баёнот йўқдир. Бу ҳақда РИА «Новости» хабар қилмоқда.

«Яхши биласизларки, бу борада на Кремлдан, на Оқ уйдан ҳеч қандай расмий баёнотлар берилмади. Бизда ҳозирча айтадиган гап йўқ. Қачон тайёр бўлсак, ўшанда тегишли баёнот билан чиқамиз. Times газетасига келадиган бўлсак, у Британия халқи позициясини тўлиқ бера олмайди, деб ҳисоблаймиз», - дея айтиб ўтди Песков.

Аввалроқ, The Times газетаси Британия ҳукуматидаги манбаларга асосан Вашингтон Трамп ва Путиннинг учрашуви июлда бўлиб ўтишини хоҳлаётганини маълум қилганди.

Ўз навбатида, АҚШ президенти Дональд Трамп Америка ҳукумати Россия билан муносабатларни яхшилаш ниятида эканини айтди.

Тайёрлаган: Отабек Матназаров

#Дональд Трамп #Кремль #Владимир Путин