Саакашвили сиртдан 6 йилга озодликдан маҳрум этилди

Тбилиси шаҳар суди Грузиянинг собиқ президенти Михаил Саакашвилини собиқ депутат Валерий Гелашвилини ургани учун 6 йилга озодликдан маҳрум этди.  

Бу Саакашвилига Грузияда сиртдан чиқарилган биринчи ҳукм эмас. Январда Саакашвили 2006 йилда “Грузия бирлашган банки” ходимининг ўлдирилиши иши бўйича 3 йиллик қамоқ жазосига тортилганди.

Грузия бош прокуратураси 2014 йилда Саакашвилига бир неча жиноий иш бўйича айбловлар қўйган. Бу жиноий ишлар орасида давлат маблағларини ўз эҳтиёжларига сарфлаб юбориш, 2007 йил 7 ноябрдаги намойишни тарқатишда хизмат ваколатларини суиистеъмол қилиш, депутат Гелашвилини дўппослаш ҳамда қотилликда иштирок этиш каби ишлар бўлган.