Лукашенко: Беларусь ҳеч қандай давлатнинг «вассали» бўлмайди

Фото: EXCLUSIVENEWS

Беларусь президенти Александр Лукашенконинг маълум қилишича, Беларусь давлати ҳеч қачон бирон-бир мамлакатнинг «вассали» бўлмайди. Бу ҳақда «БелТА» хабар қилмоқда.

Лукашенконинг сўзларига кўра, Россия Беларусга энг яқин мамлакат ҳисобланади. Мамлакатлар ўртасида «мукаммал» бажарилиши керак бўлган келишувга эришилган. Лукашенконинг таъкидлашича, Беларусь ҳеч қачон бирон-бир мамлакатнинг «вассалига» айланмайди.

«Биздан талаб қилиш керак эмас. Баъзилар эса шундай нарсалар ёзишни бошлашмоқда: «Лукашенкога тезроқ Россия таркибига кириши ва Беларусни ўша ерга киритиши керак». Бу Беларусда бундай қарор қабул қиладиган сиёсатчининг сўнгги кунлари бўлади», - деди Лукашенко.

Эслатиб ўтамиз, аввалроқ Лукашенко Беларусь демократик блоклар билан қисилиб қолганини маълум қилганди.

Тайёрлаган: Отабек Матназаров

#Беларусь #Александр Лукашенко