Каттақўрғон туманида цемент заводи қурилмоқда

Самарқанд вилояти Каттақўрғон туманида хитойлик инвесторлар билан ҳамкорликда юқори сифатли цемент ишлаб чиқарадиган қўшма корхона қурилиши бошланди, деб хабар бермоқда вилоят ҳокимлиги расмий сайти.

Хитойнинг «Хенгюан цемент» жамоаси билан тузилган шартномага кўра, қўшма корхонанинг лойиҳа қиймати 340 миллион АҚШ долларига тенг бўлиб, дастлабки йили 1,2 миллион тонна цемент ишлаб чиқарилади. 2023 йилга бориб эса ишлаб чиқариладиган цемент ҳажми икки баробарга ортади.

Хабар берилишича, корхона тўлиқ қувват билан ишга тушгач, бу ерда 1500 киши муқим иш билан таъминланади.