Кремль Исроилга нисбатан жавоб чоралари ҳақида маълумот берди

Россия президентининг матбуот котиби Дмитрий Песков сўзларига кўра, Сурияда Россияга тегишли бўлган Ил-20 самолёти уриб туширилганидан кейин жавоб чоралари бир ҳафта давомида муҳокама қилинган. Бу ҳақда РИА «Новости» хабар бермоқда.

Песковнинг сўзларига кўра, рўй берган ҳодиса Россия ўз ҳарбий учувчиларининг хавфсизлигини таъминлаш учун «фаол ва самарали чоралар» кўриши кераклигини кўрсатди.

«Бу масала Москвада ҳам ҳарбий экспертлар, ҳам мамлакат раҳбарияти орасида бир ҳафта давомида фаол муҳокама қилинди ҳамда шундай қарор қабул қилинди», - деди Песков.

Унинг қўшимча қилишича, ҳодисани баҳолашда Россия томони ўз экспертларининг маълумотлари асосида иш олиб борди ва уларни Исроилга тақдим этди.

Эслатиб ўтамиз, аввалроқ Путин Асаддан хафа экани хабар берилганди.