Фото: REUTERS
Хитой Ташқи ишлар вазирлиги расмий вакили Гэн Шуаннинг маълум қилишича, мамлакат ҳукумати Тайванга янги қирувчи самолётлар ва танкларни сотиш режалари туфайли АҚШга «қаттиқ огоҳлантириш» билан чиққан. Вакилнинг сўзлари РИА «Новости» томонидан келтирилди.
Шуан эслатишича, Хитой Америка қуролларининг Тайванга сотилиши бўйича «аниқ ва ўзгармас» позицияга содиқ ҳамда у АҚШни «ягона Хитой» тамойилига риоя қилишга чақирди.
Бундан олдин, Bloomberg АҚШ президенти Дональд Трамп маъмурияти Тайваннинг 60та F-16 қирувчи самолётини сотиб олишига рози бўлгани ҳақида хабар берганди.
