Хитойда коронавирусга чалинганларнинг қарийб 92 фоизи тузалиб кетди

Хитойда COVID-19 билан оғриган беморларнинг 92 фоизга яқини тузалиб кетди ва бу рақам кейинги ҳафталарда ошиб бормоқда. Бу ҳақда Жаҳон соғлиқни сақлаш ташкилоти вакили Тарик Язаревич маълум қилди.

Фото: REUTERS / Stringer

"Хитойда касалликка чалинган 81 минг кишининг 74 мингдан зиёди ёки 92 фоизи тузалди ва касалхонадан чиқарилди. Уларнинг сони кейинги ҳафталарда ошиб бормоқда", - деди у.

Язаревич ЖССТ тавсиясига кўра, касалхонадан уйига жавоб берилаётган шахс камида 24 соатлик фарқ билан вирусга икки марта тест топшириши ва тестлар салбий чиқиши кераклигини эслатиб ўтди.

Тайёрлаган: Дилшод Аскаров

#Хитой #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.