Қўшимча функционаллар
-
Тунги кўриниш
Ўзбекистонда ҳаво ҳарорати 8-10 даражага пасайиши кутилмоқда
Жорий йилнинг 17 октябрда Ўзбекистон шимолий ҳудудларига, 18-19 октябрда республика қолган ҳудудларига Волгабўйи орқали Россия Европа қисми (Москва области) марказий ҳудудлари устида шаклланган совуқ ва нам ҳаво массалари кириб келади.
Фото: Kun.uz
“Ўзгидромет” хабарига кўра, ҳаво ҳарорати 8-10 даражага пасайиши кутилмоқда.
17-19 октябрда ҳаво ҳарорати кечалари 3-8 даражагача илиқ, республика шимолида баъзи жойларда 0-2 даражагача совуқ, кундуз кунлари 15-20 даражагача аста-секин пасаяди.
17-19 октябрда республика бўйича баъзи жойларда ёмғир ёғади, тоғолди ва тоғли ҳудудларда баъзи жойларда кучли бўлиши мумкин, баланд тоғларда ёғингарчилик (ёмғир қорга айланади) бўлади.
17-18 октябрда республика бўйича баъзи жойларда шамол 15-20 м/с гача кучайиши кутилмоқда.
