1039420297

Kun.uz: Покистон полицияси номаълум шахслар Панжоб вилоятида жойлашган Дера-Ғозихон шаҳридаги ўрта мактабга ҳужум қилишгани ҳақида хабар берди. Жиноятчилар мактабда навбатчилик қилаётган қўриқчини ўлдириб кетишган. Бу ҳақда Reuters ахборот агентлиги хабар бермоқда.

Полиция мактаб ўқитувчилари ва ўқувчилар жабр кўрмаганини маълум қилди. Айни пайтда ҳужум қилганларнинг аниқ сони ва улар қаерда жойлашганини аниқлаш бўйича тергов ишлари олиб борилмоқда.

Ўтган йили толиблар гуруҳи 153 кишининг (улардан 134 таси болалар бўлган) ҳаётига зомин бўлган Пешовордаги ўрта мактабга ҳужумидан кейин Покистон ҳукумати ўлим жазосига мораторийни бекор қилишгача бориб, ўзининг террорчиликка қарши курашиш сиёсатини кучайтирган эди.

Аввалроқ Пешовордаги шиалар масжидига ҳужум қилингани маълум қилинганди.