Мухлислар Райҳон ва Лоланинг янги клипида ҳамжинсбозлик белгиларини кўришди

Маданият 10 Май 2015 23344

Хонандалар Райҳон ва Лоланинг “Кўникмадим” дуэтига ишланган видеоклип матбуот саҳифаларида, шунингдек, ижтимоий тармоқларда кенг муҳокамага сабаб бўлмоқда.
Клипда икки хонанда бир-бирига нисбатан “ғалати” хатти-ҳаракатлар қилгани мухлисларнинг норозилигига сабаб бўлмоқда. Айримлар бунда ҳамжинсбозлик тарғиботини кўрса, бошқалар ижодкорлар ўз ғоясини тўғри очиб бера олмаганини гумон қилмоқда.


Янги клип матбуот диққатидан ҳам четда қолмади. Жумладан, “Даракчи” газетасида томошабинлардан бирининг мактуби чоп этилди. “Ҳатто хаёлимга урилган тахминлардан ўзим ҳам қурқиб кетаман. Йўғ-э, унақамасдир, ахир ўзбекмиз-ку! Замон ҳар қанча тараққий этса-да, ўзлигимиз, менталитетимизни унутмасак керак?”, - деб ёзади унда номаълум мухлис.


Райҳон бу фикрларни изоҳлар экан, “ҳар кимнинг ўз фикри ва диди бор”лигини таъкидлаб ўтди. Лола ҳозирча шарҳ беришдан бош тортмоқда.

Таҳририят номидан: ушбу видеокетма-кетликнинг дунё юзини кўриши яна бир бор клиплар, қўшиқлар ва концерт дастурларини жамоатчиликка тақдим этишга рухсат бериш критерийлари масаласини кўндаланг қўймоқда. Соҳанинг масъул ташкилотлари айрим ўринларда саҳнадаги кичик хурмача қилиқлар туфайли санъаткорларни лицензиядан жудо қилган ҳолда, томошабиланларнинг жиддий эътирозларига сабаб бўлаётган шоу-бизнес маҳсулотларини ҳеч қандай тўсиқсиз телевидение орқали айлантиришга рухсат бермоқдалар. Бу эслаб ўтилган ташкилотларда кўтарилган масалада аниқ талаблар ва қоидалар ишлаб чиқилмаганидан, мутахассислар фақат шахсий таассуротларидан келиб чиқишидан далолат берадими, ёки соҳада биз билмайдиган бошқа жараёнлар содир бўлмоқдами? ОАВ ходимлари бу саволга жавоб қидириши керак деб ўйлаймиз.


Аҳлоқий қоидалардан келиб чиққан ҳолда, ушбу клипни сайтимизга жойлаштирмадик. Аммо истаганлар уни ҳеч қандай қийинчиликсиз глобал тармоқдан топиши мумкин.

Суратлар: “Кўникмадим” видеоклипидан скриншот

Кун янгиликлари
Абитуриент ҳикояси: “Мен ўқув маркази томонидан алдандим”
10:34 22286 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 40368 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 153636 Жамият
Кун.uz офис изламоқда
15:48 / 06.08.2017 43838 Lifestyle
Тадбиркорлар Ҳикмат Абдураҳманов ва Азиза Умарова билан суҳбат: Хитой, омадсиз авиакасса ва вазирликдаги ишдан кетиш
20:24 20 Lifestyle
Интернетда хитойлик ва ҳиндистонлик аскарлар ўртасидаги оммавий муштлашув видеоси пайдо бўлди
20:15 1285 Жаҳон
Сурхондарё ҳокими: Одамларни мажбурлаб пахтага олиб чиқиш — ноинсофлик!
Жанубий Кореяга АҚШ армияси бош қўмондони келди
19:43 807 Жаҳон
Эркинжон Турдимов: “Сурхондарёда етиштирилаётган пахта 100 фоиз шу ерда қайта ишланади”
Сурхондарё вилоят ҳокими: Ғалладан бўшаган 100 фоиз майдонда такрорий экинлар экилган
19:23 1353 Жамият
Кўпроқ янгиликлар