Дортмунднинг “Боруссия” жамоаси ва Германия терма жамоасининг 24 ёшли ўйинчиси Илкай Гюндоган “Барселона”да Хавининг ўрнини босиши мумкин бўлган ўйинчи сифатида қаралмоқда ва Каталония жамоаси билан шахсий шартномасининг шартларини келишиб олди, деб хабар бермоқда Sport.es портали.

Аввалроқ “Манчестер Юнайтед”, “Бавария” ва “Милан” қизиқиш билдирган Гюндоган “Барселона”да тиббий кўрикдан ўтгани маълум қилинганди.

Қайд этилишича, трансфер бозорида “Барселона”нинг фаоллик кўрсатаётгани ФИФА жамоага янги ўйинчиларни рўйхатдан ўтказишни киритган тақиқлови 2016 йилнинг январида бекор қилиниши ва 9 июнда “Барселона” президенти Жозеп Бартомеу жамоага раҳбар сайлаш олдидан низомда кўзда тутилганидек истеъфога кетиши кераклиги билан изоҳланмоқда.

Яқинда “Барселона” “Севилья” яримҳимоячиси Алеиш Видал билан 5 йиллик шартнома имзолаганди.