Sharp компанияси жорий йилда жиддий зарар кўрди ва ҳатто кўрсатилган молиявий ёрдам, амалга оширилган ички-чора тадбирлар, ишчилар маошининг қисқартилиши бунинг оқибатларини бартараф этиш учун камлик қилди.

Kyodo News агентлигининг хабар қилишича, 2016 йилнинг март ойига қадар давом этадиган жорий молиявий йил якунларига кўра компания 180 млрд иена (1.45 млрд доллар) соф буромад кўриши тахмин қилинмоқда. Ўтган молиявий йилда бу кўрсаткичлар 222 млрд иенага (1.79 млрд доллар) тенг бўлган эди. Шу тариқа, ЖК-дисплейлар ишлаб чиқарувчи компания фаолиятининг охирги беш молиявий йилидан тўрттаси зарар билан якунланади.

Маълум қилинишича, 2015 йил августидан 2016 йил мартига қадар бўлган даврда ходимларнинг окладлари 1-2 фоизга туширилади. Раҳбар кадрларнинг маошлари 5 фоизга камайтирилади. Бундан ташқари, компания қишки бонуслар, командировка тўловлари ва кўп оилалиларга бериладиган ёрдамни қисқартиради. Ушбу чора-тадбирлар ёрдамида вендор бир йил давомида 3 млрд иена (24.2 млн доллар) тежаб қолмоқчи.

Май ойида Sharp ходимлар сони 10 фоизга қисқартирилишини маълум қилди. Жами 5 минг киши ишдан бўшатилади, улардан 3.5 минг нафари Япония ҳудудида ишлаб келмоқда. Хизматчилардан айримлари пенсияга муддатдан олдин чиқиш дастурига киритилади. Бу дастур 45-59 ёшдаги инсонларга тегишли.