Ҳиндистоннинг Нью-Дели шаҳрида эркин, юнон-рум ва аёллар кураши бўйича кадетлар ўртасида Осиё чемпионати баҳслари давом этмоқда.

Қитъа чемпионатининг биринчи кунида гиламга чиққан ўзбекистонлик юнон-рум курашчилари Достонбек Турсунбаев (-42 кг) ва Тўрабек Тиркашев (-46 кг) ўз вазн тоифаларида бронза медали соҳиби бўлишди.

12 июнь куни бўлиб ўтган иккинчи кунги баҳсларда ўзбекистонлик юнон-рум курашчилардан яна бири Маҳмуд Бахшуллаев совриндорлар сафидан ўрин эгаллади. Оғирлик вазни 54 кг.гача бўлган спортчилар баҳсида Ўзбекистон шарафини ҳимоя қилган Маҳмуд Бахшуллаев финалга қадар кечган беллашувларни ғалаба билан якунлаб кумуш медаль совриндори бўлди. 

13 июнь куни юнон-рум кураши бўйича -69 кг. ва -76 кг. вазнда, эркин кураш бўйича -54 кг, -58 кг, 63 кг. вазнда ва ниҳоят аёллар кураши бўйича -52 кг, -56 кг, 60 кг. вазн тоифаларида беллашувлар ўтказилади.