Braziliya, Senegal, Mali va Serbiya yoshlar terma jamoalari (20 yoshdan katta bo‘lmagan yoshlar) Yangi Zelandiyada bo‘lib o‘tayotgan futbol bo‘yicha yoshlar jahon chempionatining yarimfinal bosqichiga chiqdilar.
Braziliyaliklar nimchorak finalda Portugaliyani penaltilar seriyasi bo‘yicha 3:1 hisobida mag‘lub etdilar. Braziliyaliklar bilan yarimfinalda O‘zbekiston termasi ustidan 1:0 hisobida g‘alaba qozongan Senegal terma jamoasi uchrashadi.
Germaniya ustidan penaltilar seriyasi bo‘yicha 4:3 hisobida g‘alaba qozongan Mali terma jamoasi ikkinchi yarimfinal uchrashuvida AQShni penaltilar seriyasi bo‘yicha 6:5 hisobida mag‘lub etgan Serbiya bilan bellashadi.
Yarimfinal uchrashuvlari 17 iyun kuni bo‘lib o‘tadi.
