"Манчестер Сити" "Ливерпуль" жамоасининг чап қанот ҳужумчиси Раҳим Стерлингни харид қилиш имкониятлари яхши баҳоланмоқда.

"Шаҳарликлар" раҳбарияти Англия терма жамоасининг бу футболчиси "Ливерпуль"дан кетишни истаётганидан унумли фойдаланиб қолмоқчи. Daily Mail нашрида ёзилишича, жамоа бу футболчини кўпи билан 40 млн фунт эвазига ўзиники қилиши мумкин.

Хабарда айтилишича, Стерлингга талабгор бўлган "Реал" ва "Бавария" у учун 30 млн фунтдан ортиқ тўлай олмаслигини маълум қилган.

"Ливерпуль" эса Стерлингни ёзги трансферларда сотмаса, унинг трансфер нархи пастлашда давом этади.

Бироз олдинроқ, "Ливерпуль" "Манчестер Сити"нинг бу футболчи учун берган 41,3 млн фунтлик таклифини рад этган ҳамда уни 69 млн фунтдан камига сотмоқчи эмаслигини маълум қилганди.