"Кастилья" бош мураббийи Зинедин Зидан ҳали "Реал" бошқарувига келишга тайёр бўлмагани ҳақида айтиб ўтди.

"Зидан - "Реал" бош мураббийи" деган сўз жуда яхши жаранглайди, албатта. Аммо ҳеч қачон Анчелоттининг ўрнини эгаллашим масаласи кўтарилмаган. Мен "Кастилья"даги ишимни давом эттиришни истайман. Чунки ҳали "Реал"ни бошқаришга тайёр эмасман.

Аммо шу билан биргаликда мураббий ҳеч қачон бирор ишга тайёр бўлмаслигини ҳам айтиш лозим.

Агарда денгизда ҳаво яхши бўлишини кутиб ўтираверсанг, ҳеч қаёққа сузиб бора олмайсан. Мен хотиржамман ва ўз йўлимдан кетмоқдаман. Ҳамма нарсанинг ўз вақти бор", - дейди мураббий.