"Челси" жамоаси Раҳим Стерлингнинг трансфер ҳуқуқини сотиб олишни истаётганини, лекин у учун 50 млн фунт тўлашга тайёр эмаслигини маълум қилди.

Sky Sports нашри маълумотига кўра, лондонликлар ушбу ёш хавбекнинг хизматларига жиддий қизиқишмоқда, лекин "Ливерпуль" сўраётган 50 млн фунт маблағ кўпроқ деб ҳисобланмоқда.

Хабарда айтилишича, "Челси" яқинда ўз жамоаси билан янги шартнома тузишдан бош тортган Стерлингни қўлга киритишдан умид узмаган.

Бироз олдинроқ, "Ливерпуль" бу футболчиси учун "Манчестер Сити" томонидан таклиф қилинган 41,3 млн фунтга рози бўлмаганди.