Ўйин ўз ниҳоясига етди. Якуний ҳисоб 4:2. 

Учрашувнинг 89-дақиқаси бошланди. Иккинчи бўлимда гол ўтказиб юбормаган йигитларимизга раҳмат!

Сардор Рашидов 79-дақиқада рақиблар дарвозасига жамоамизнинг иккинчи голини киритди. 

ЖЧ-2018га саралаш баҳси доирасидаги КХДР ҳамда Ўзбекистон учрашуви давом этмоқда. Учрашувнинг 75 дақиқаси ортда қолди.

53-дақиқада Сергеев ҳисобни қисқартирди. Ҳозирча 4:1. 

Ўзбекистон: Игнатий Нестеров, Шуҳрат Муҳаммадиев, Шавкат Муллажонов, Анзур Исмоилов, Виталий Денисов, Сардор Рашидов, Одил Аҳмедов, Азиз Ҳайдаров, Санжар Турсунов, Икром Алибоев, Игорь Сергеев.

Кеча Миржалол Қосимов иштирокида матбуот анжумани бўлиб ўтди.

Миржалол Қосимов: Биз Шимолий Кореяга фақат ғалаба учун келдик. Рақиб анойилардан эмас. Улар тартибли ва яхши уюшган жамоа. Бизга осон бўлмаслиги аниқ. Аммо биз ўз кучимизга ишонамиз. Умид қиламанки Тошкентга уч очко билан қайтиш насиб этади.

Ўйин олди маълумотлари:
Бугун ўйин бўлиб ўтадиган "Ким Ил Сун" майдони сунъий қопламадан иборат. Ўйингоҳга жами 50 минг мухлис сиғади. Бугунги ўйинда стадион тўлиши кутилмоқда. Айни вақтда Пхеньянда ҳаво ҳарорати 29 даражани ташкил этади.

ЎФФ твиттери томонидан хабар қилинишича, стадионда фақат матбуот анжуманлари залида интернет мавжуд бўлиб, бу ердан ўйинни кузатишнинг имконияти йўқ. Трибунадаги матбуот учун ажратилган жойда эса интернет йўқ. Шу сабабли учрашувдан онлайн трансляция қилишнинг имконияти йўқ. Фақат биринчи бўлим охири ва учрашувдан сўнг тафсилотлар маълум қилиниши мумкин.