“Реал Мадрид” жамоасининг уч нафар футболчиси клуб президенти Флорентино Переснинг бошқарув услубидан норози бўлишмоқда.

Жамоа сардори Икер Касильяс Пересдан жамоага бир неча бор Буффонни таклиф этмоқчи бўлгани, шунингдек, жамоа собиқ бош мураббийи Жозе Моуриньо билан бўлган келишмовчиликлар вақтида ўзини қўллаб-қувватламаганидан норози бўлса, клуб ҳимоячиси ҳамда иккинчи сардори Серхио Рамоснинг президент билан муносабати шартномани узайтиришдаги муаммолар сабаб ёмонлашган.

Шунингдек, жамоа тўпурари Криштиану Роналду ҳам “Атлетико Мадрид”га қарши кечган учрашувдан (0:4) сўнг Перес уни қўллаб-қувватламаган деб ҳисобламоқда. Бундан ташқари, Португалия терма жамоаси сардори жамоанинг собиқ бош мураббийи Карло Анчелоттининг ўз лавозимида қолишини истагани ва клуб унинг фикрини инобатга олмаганидан норози бўлмоқда.