“Манчестер Юнайтед” клуби ёзги трансферлар пайтида ҳимоя ва майдон марказини кучайтирмоқчи.

Манкунианлар “Реал” ҳимоячиси Серхио Рамос ва “Бавария” яримҳимоячиси Бастиан Швайнштайгерни сотиб олиш имкониятини кўриб чиқмоқда.

“Манчестер Юнайтед” Рамосга “Реал” қизиқиш билдираётган ўз дарвозабони Давид Де Хеани алмашишга тайёр. Аввалроқ Рамос “Реал”ни тарк қилишга қарор қилгани, Де Хеа эса Испанияга қайтишни истаётгани маълум қилинганди.

Луи ван Гал Швайнштайгерга “МЮ”нинг майдон марказини кучайтириши мумкин бўлган ўйинчи сифатида қарамоқда. Футболчининг “Бавария” билан шартномаси бир йилдан кейин тугайди, шунинг учун унинг трансфери 10 млн еврога баҳоланмоқда.