Швеция ёшлар терма жамоаси футболчилари (21 ёшгача) Чехияда бўлиб ўтган Европа чемпионати финалида ўзларининг португалиялик тенгқурларини мағлуб этиб, Европа чемпиони унвонини қўлга киритишди. Прагада бўлиб ўтган финал учрашувининг асосий ва қўшимча вақтида ҳисоб очилмади.

Учрашув тақдири пенальтилар сериясида ҳал бўлди, бунда шведлар аниқроқ ҳаракат қилди. Пенальтилар серияси 4:3 ҳисоби билан якунланди.

Швеция ёшлар термаси тарихда биринчи марта ёшлар ўртасидаги Европа чемпионати ғолиби бўлди. Бу мусобақа 1972 йилдан бери ҳар икки йилда ўтказилиб келинади.