"Барселона" жамоасининг собиқ бош мураббийларидан бири Йохан Круииф жамоа президентлиги учун сайловлар бўлиб ўтишига оз вақт қолганида, бу жараёнда Жоан Лапорта тарафдори бўлишини маълум қилиб ўтди.

"Барселона"да президентлик сайлови ўтказилишига ростдан ҳам эҳтиёж бор. Якунланган мавсумда олқишга сазовор ютуқларга эришилган бўлсада, ҳозир аввалги "Барселона" йўқ. Масалан, ҳозирги футбол академияси аввалгидек эмас. Жамоага янги президент керак ва мен Лапорта номзодини тўлиқ қўллаб-қувватлайман. У аввалги "Барселона"ни қайтара олишига ишонаман", дейди у Marca нашрига берган интервьюсида.

Маълумот учун, каталонлар жамоаси президентлиги учун сайловлар шу йилнинг 18 июль кунида ўтказилади.