Германия Ташқи ишлар вазирлиги томонидан Берлиндаги Тегил шаҳарчасида сешанба куни Рамазон ойи муносабати билан мусулмонлар учун ифторлик дастурхони ташкил қилинди.

Ифторлик тадбирида Германия канцлери Ангела Маркель хоним ҳам иштирок этди. У ўз сўзида, ҳақиқатда Ислом Германияга қисман яқин келиб қолди, деб таъкидлади.

Мазкур хайрли тадбирда Германия ҳукуматининг етук сиёсат арбоблари ва турли дин вакиллари ҳам қатнашдилар. Жумладан, ифторлик дастурхонига ташриф буюрган Германия давлат вазираси Эйдан хоним ҳам ўз фикрларини йиғилганларга етказди.
У сўзида, экстремистик ва террористик ҳаракатлар дин ниқоби остида амалга оширилаётганини қоралар экан, айниқса 2015 йил дин душманлари учун масжидлар, ибодатхоналар ва черковлар терактлар амалга ошириладиган жойлар бўлиб қолаётганидан таассуфда эканини билдирди. Эйдан хоним сўзининг ниҳоясида, келгусида бу каби нохушликларга барҳам бериш мақсадида диний бағрикенгликка асосланган турли мулоқот ва анжуманларни ўтказишга катта аҳамият қаратиш зарурлигини маълум қилди.

Muslim.uz  / Илёс Аҳмедов тайёрлади.