Шахмат бўйича 2004 йилги жаҳон чемпиони Рустам Қосимжоновнинг турмуш ўртоғи, гимнастика бўйича Ўзбекистон чемпиони Феруза Қосимжонова Элнора Носирлига берган интервьюсида икки чемпион қандай танишгани ва уларнинг тақдирини нима боғлагани ҳақида гапириб берди.

“Биз самолётлар ва аэропортларда бир неча бор тўқнаш келганмиз, ва охир-оқибат танишганмиз. У менга қараб турганини сезсам ҳам, танишувимизга кўп вақт кетди, ахир у менга ҳеч яқинлашмас эди, – деди машҳур гимнастикачи журналист билан мулоқот чоғида. – Бир куни у менга яқинлашиб, телефон рақамимни сўради, бунда ўзининг профессионал спортчи эканлигини айтди. Мен ҳам ўзимнинг спортчи эканлигимни айтдим. Соҳаларимизнинг яқинлиги ҳам маълум даражада ёрдам берди, шундан сўнг биз анча яқинлашиб кетдик”.

Бундан ташқари, Қосимжонова чемпионларнинг тўйи тафсилотларини ҳам баён қилди:
“Гап шундаки, Рустамнинг турнирларидан бири бекор қилинди, ва ўша кунларда тўйни ўтказишга қарор қилдик. Шу тариқа, турнир ўрнига тўй ўтказдик. Барча тайёргарлик ишлари бир ой ичида олиб борилди. Шунга қарамай, биз иккита жойда тўй ўтказдик: биринчи Тошкентда, у ерда тўйимизни янгиликлардан трансляция қилишди, иккинчиси Бухорода, у ерда мен омадли спортчи сифатида танилган ва ҳатто гўзаллик танловини ютган эдим”.