“Ювентус” клуби жамоа бош мураббийи Массимилиано Аллегри билан шартнома узайтириш борасида музокаралар олиб бормоқда.

Мутахассиснинг амалдаги шартномаси 2016 йилнинг 30 июнига қадар белгиланган ва клуб уни яна бир йилга узайтирмоқчи.
La Gazzetta dello Sport’нинг маълум қилишича, шартнома янги мавсум бошлангунга қадар амалга оширилади ҳамда ва унга кўра Аллегри А сериядаги “Интер” мураббийи Роберто Манчинидан (4 млн евро) сўнг энг кўп ҳақ тўланадиган иккинчи мураббий бўлади.

Ҳозирда Аллегрининг маоши йилига 2,5 млн еврога тенг.  Клуб 47 ёшли мураббийга 3,5 млн евро ва қўшимча бонуслар мавжуд бўлган маош таклиф қилмоқда. Унга кўра, Аллегрининг йиллик маоши 3,7 млн еврога тенг бўлиши мумкин.