"ПСЖ" жамоасининг франциялик ярим ҳимоячиси ўз фаолиятини "Кристал Пелас"да давом эттиради. Бу ҳақда ВВC мухбири хабар берган.

Маълум қилинишича, "Кристал Пелас" бу футболчи учун 10 млн евро тўлайди, яна 3 млн евро бонус сифатида берилиши мумкин.

Қайд этиш жоизки, бу трансфер жамоа тарихидаги энг қиммат трансферга айланади.

Кабай яқин вақт ичида жамоада тиббий кўрикдан ўтиб, шартнома имзолаши кутилмоқда.

L’Equipe нашри маълумотига кўра, Кабай ўзининг "Ньюкасл"даги устози Алан Пардью билан яна биргаликда ишлаш учун "Атлетико" ҳамда бошқа бир қатор инглиз жамоаларидан бўлган таклифларни рад этган.