Остонада Қозоғистон ва Ҳиндистон ўртасида савдо-иқтисодий ҳамкорлик бўйича шартнома имзоланди. Ҳужжатни имзолаш маросими Қозоғистон-Ҳиндистон бизнес форуми доирасида бўлиб ўтди. Унда икки давлат бош вазирлари Карим Масимов ва Нарендра Моди иштирок этди.
Zakon.kz ресурсининг хабар қилишича, ушбу йўл харитаси энергетика, машинасозлик, металлургия, ахборот технологиялари, кимё саноати ва фармацевтика соҳаларидаги 26 лойиҳани ўз ичига олади.
Эслатиб ўтамиз, Ҳиндистон етакчиси Нарендра Моди Ўрта Осиё турнеси доирасида Ўзбекистонда бўлиб, сўнг Қозоғистонга йўл олди.