“Манчестер Юнайтед” яримҳимоячиси Анхель Ди Мария ўз фаолиятини “Бавария”да давом эттириши мумкин.

Аргентиналик футболчида “ПСЖ” ва “Бавария”ни танлаш имконияти бор, бироқ унинг ўзи “Бавария” вариантига қизиқиш билдирмоқда, деб хабар бермоқда Goal.com.

Ди Мария агенти клуб вакиллари билан унинг клубга ўтиши борасида гаплашди, бироқ немис клубидан “МЮ” га расмий таклиф билдирилмаган.

Қайд этилишича, Ди Мария Мюнхен клуби бош мураббийи Хосеп Гвардиоланинг мухлиси ҳисобланади ва у билан ишлашни орзу қилади.

Бироқ “Бавария” футболчи учун 50 млн евро таклиф қила олиши мумкин, “МЮ” эса унга 60 млн евро сўрамоқда.

Аввалроқ аргентиналик футболчи “ПСЖ”га ўтишга принцип жиҳатдан розилик бергани маълум қилинганди.