Аргентина терма жамоаси ярим ҳимоячиси Хавьер Маскерано терма жамоадан кетиши ҳақидаги хабарларни кескин инкор этди.

"Терма жамоадан кетишим ҳақидаги ҳар қандай хабар - ёлғон. Бундай вақтда фақат ўзим ҳақимда ўйлашим худбинлик бўлар эди.

Қачондир шундай қилсам ҳам албатта бу ҳақида ўзим эълон қиламан. Менинг номимдан кимдир гапирса, буни ишонмаслик керак", - дейди Маскерано.

Бироз олдинроқ, Маскерано жамоадоши Лионель Мессига нисбатан танқидлар тинмаса, терма жамоадан кетишини эълон қилгани ҳақида хабар берилганди.

Эслатиб ўтамиз, Маскерано Чилига қарши ўтказилган Америка Кубоги финалидаги мағлубиятдан кейин турнир тарихида учта финалда мағлубиятга учраган илк футболчи бўлди.