Шанхай ҳамкорлик ташкилотига аъзо давлатлар раҳбарлари кенгаши Уфада иш бошлади. Айни пайтда раҳбарлар тор доирада учрашув ўтказмоқда, кейинроқ кенгайтирилган форматда йиғилиш ўтказилади.

Россия президенти Владимир Путин йиғилишга ташриф буюрган давлатлар раҳбарларини Уфадаги Конгресс-Холл фойесида кутиб олди.
“Бугун биз ШҲТнинг 2014-2015 йиллардаги фаолияти якунларини ясашимиз керак бўлади. Шу билан бирга, ташкилот фаолиятининг асосий масалаларини кўриб чиқишимиз, ўзаро ҳамкорлик йўналишларини аниқлаб, халқаро масалаларни муҳокама қилишимиз талаб қилинади”, – деди Путин мажлиснинг очилишида сўзлаган нутқида.

Россия президенти матбуот котиби Дмитрий Песковнинг маълум қилишича, раҳбарлар йиғилишида янги давлатларнинг ташкилотга қўшилиши масаласи муҳокама қилинади.