10 июль куни Ўзбекистон терма жамоаси ва Москванинг "Локомотив" жамоаси ҳимоячиси Виталий Денисов оиласида қиз фарзанд туғилди.

Ўз навбатида "Олмалиқ" жамоаси мураббийларидан бири Геннадий Денисов бобо бўлди.

Виталий ва унинг рафиқаси Анастасия ўз фарзандларига Николь исмини қўйишган.

"Ўз ҳиссиётларимни сўз билан ифодалай олмаяпман!!! Анастасия, сенга раҳмат! Мен сени қаттиқ севаман", деб ўз инстаграмида ёзади 28 ёшли футболчи.