Финляндия Еврогуруҳни Грецияни евроҳудуддан чиқаришга чақирмоқда, деб хабар бермоқда Yle нашри.

Олинган маълумотларга кўра, Финляндия Грецияга янги молиявий кўмак пакети тақдим қилинишига қатъиян қарши чиқмоқда. Финляндия молия вазири Александр Стубб парламент комиссиясидан амалда Грециянинг евроҳудуддан чиқарилишини билдирадиган қатъий мандат олди.

Музокараларда ушбу фикрида қатъий туриб олган Финляндия ўз фикрини ёлғизликда ҳимоя қилишига тўғри келадиган кўринади. Еврогуруҳнинг қарори бир овоздан қабул қилиниши керак, Финляндиянинг норозилиги эса “айни пайтда грек масаласи бўйича келишувга эришилмаслигидан” дарак беради, деб ёзмоқда нашр.

Греция бўйича қарор Финляндияда катта баҳслар келтириб чиқарди ва деярли ҳукуматнинг икки томонга ажралишига олиб келди. “Асл финнлар” Грецияга молиявий кўмак кўрсатилишига қатъиян қарши чиқмоқдалар.