Гонконгнинг Океаник боғида яшовчи Цзя-Цзя лақабли катта панда бу йили ўзининг 37 ёшини нишонлайди ва катта пандалар орасида тутқунликда энг узоқ вақт яшаш бўйича жаҳон рекордини янгилашига бир баҳя қолади. Бу ҳақда Reuters ахборот агентлиги хабар бермоқда.

Айни пайтда бамбук айиқлари орасида тутқунликда энг узоқ вақт яшаш бўйича жаҳон рекорди Ду-Ду лақабли пандаги тегишли. Панда 1999 йилда 37 ёшида вафот этган, бу инсон ўлчовларида 100 йилни ташкил қилади. Катта пандалар кам ҳолатда бундай ёшгача етиб боради.

Цзя-Цзя эшитиш ва кўриш қобилиятида муаммоларга эга бўлсада, у ўз ёшига нисбатан анча яхши соғлиққа эга. 80 кг келадиган узоқ умр кўрувчи панда 1978 йилда Хитойда тутиб олинган, 1999 йилда эса Гонконгнинг Океаник боғига топширилган.