Хитойнинг телекоммуникацион маҳсулот ишлаб чиқарувчи Huawei компанияси Ҳиндистонда смартфон ишлаб чиқариш лицензияси учун танловда ғалабани қўлга киритди. Reuters агентлигининг ёзишича, у Ҳиндистон бозоридаги Хитойнинг биринчи йирик ишлаб чиқарувчиси бўлади.
Қарор Хитой компаниясининг лицензия бўйича биринчи мурожаатидан 19 ой ўтиб кучга киради. Бундай муддатнинг белгиланиши Ҳиндистон миллий хавфсизлигини таъминлаш борасида зарурий чора-тадбирларни кўриш учун талаб қилинади.
Шунингдек, бу Ҳиндистон бош вазири Нарендра Модининг “Ҳиндистонда ишлаб чиқарилган” кампанияси доирасида ташланган муҳим қадам бўлди.
Ҳиндистон бозорида 975 млн мобил абонент мавжуд. Улардан 150 млн нафари хорижий смартфонлардан фойдаланади. HSBC ҳисоботига кўра, бу сон йилига 26 фоизга ошиб боради.