Бишкекда 16 июль куни аксилтеррорчилик операциясида 4 нафар жангари йўқ қилинди, 7 нафари қўлга олинди.

Бишкекда йўқ қилинган террорчилар Кантдаги Россия авиабазасида теракт амалга оширишни режалаштирганлари маълум бўлди. Бу ҳақда Қирғизистон миллий хавфсизлик давлат қўмитасига иқтибос келтирган ҳолда “Интерфакс” ахборот агентлиги хабар бермоқда.

“Бу яширин террорчилик гуруҳи 17 июлда – Рамазон ҳайити куни одамлар кўп бўлган жойларда ва Қирғизистон шимолида жойлашган Чуй вилояти Қант шаҳридаги Россия Мудофаа вазирлигининг авиабазасида терактлар амалга оширмоқчи бўлган ва уларга тайёргарлик кўрган”, деб айтилмоқда хавфсизлик қўмитасида.

Ҳуқуқ-тартибот муассасалари маълумотларига кўра, Қозоғистон фуқароси Жонбўлат Амиров бошчилигидаги жангарилар ИШИД террорчилик гуруҳи аъзолари бўлганлар.