21 июлда Исроил бош вазири Биньямин Нетаньяху ўзининг Қуддус шаҳридаги қароргоҳида АҚШ Мудофаа вазири Эштон Картерни кутиб олди. Бу ҳақда Нетаньяхунинг девохонаси берган маълумотда маълум қилинди.

Нетаньяху билан учрашув Картернинг Исроилга ташрифи давомидаги охирги учрашуви бўлди. 20 июль куни Картер Исроил Мудофаа вазири Моше Яалон билан музокаралар олиб борди ва Исроилнинг шимолий чегарасидаги ҳудудга ташриф буюрди.

Матбуот-анжуманида Яалон ҳам, Картер ҳам Эрон ядровий дастури бўйича келишувга эришилганлик бўйича Исроил ва АҚШ ўртасидаги келишмовчиликлар мавзусида тўхталиб ўтдилар.

Картер Исроилга ташрифидан кейин минқата бўйича сафарини Саудия Арабистони ва Иорданияга ташрифи билан давом эттиради.