19 июль куни Украинанинг Станично-Луганское туман тиббиёт бўлинмасига Луганскдан Россияга темир йўл изи бўйлаб етиб олмоқчи бўлганида тортиб қўйиладиган минага учраб, жароҳат олган, паспорти бўлмаган Ўзбекистон фуқароси келиб тушди

Луганск вилояти ҳарбий-фуқаролик маъмурияти матбуот хизматининг хабар беришича, ёнида фақатгина ҳайдовчилик гувоҳномаси бўлган ўзбекистонлик Луганскдан Россиянинг яқин орадаги аҳоли пунктигача етиб олмоқчи бўлганини, бироқ Станично-Луганское туманида тортиб қўйиладиган минага тушиб, унинг парчаларидан жароҳат олганини айтган.

Бу ҳудудда темир йўли ҳаракати амалга оширилмаган. Луганск вилояти ҳарбий-фуқаролик маъмурияти террорчилар томонидан кўплаб йўллар ва темир йўл излари миналаштириб қўйилгани сабабли белгиланган жойлардан бошқа жойлардан чегарани кесиб ўтиш хавфлилиги ҳақида навбатдаги галда огоҳлантирмоқда.

“Ўзбекистонлик фуқаро хусусида мен ҳуқуқ-тартибот муассасаларига у қаерга ва қандай мақсадда кетаётганини ва умуман нима учун Украинага келганини аниқлаш вазифасини топширдим”, деб айтди Луганск вилояти ҳарбий-фуқаролик маъмурияти раҳбари вазифасини вақтинчалик бажарувчи Юрий Клименко.